Encûmena Asayişa Navdewletî, îro Duşemê di derbarê rewşa Afganistanê de dicive.
Li gor çavkaniyên dîplomatîk diyar dikin, civîna îro ya Encûmena Asayişa Navdewletî ya Netewên Yekbûyî, li ser daxwaza Norwêc û Stonya tê lidarxistin.
Herwiha çavkanî didin zanîn, civîna Encûmena Asayişa Navdewletî ya derbarê Afganistanê de, dê îro di saet 10:00an de, li gor dema Amerîkayê bê lidarxistin.
Hêzên Talibanê do Yekşemê derdora bajarê Kabulê paytexta Afganistanê ji çar aliyan ve dorpêç kirin û di saetên êvarî de, beşek ji hêzên wê derbasî nav hin taxên Kabulê bûn.
Hêzên Talibanê herwiha dest danîn ser Koşka Serokkomariya Afganistanê û televîzyona netewî ya wî welatî.
Li aliyekî din, Serokkomarê Afganistanê Mihemed Eşref Xenî, do êvarî welat terikand û derbasî Tacikistanê ve bû.