Li gorî pêşbîniyan, ji bilî encamên herdu parêzgehên Enbar û Selahedîn, ti guhertinek di encamên niha û yên berê de tune.
Serkirdeyê di Hevpeymaniya Fetih a Hadî Amirî de, Neîm Ebûdî diyar kir, ku piştî ragihandina encamên dawî yên hilbijartinan, wê hevpeymaniya wan gotûbêj û danûstendinan zêdetir bikin.
Hilbijartinên Perlemana Iraqê ku di 12ê Gulanê de hatibûn kirin, piştî ragihandina encaman, hejmarek ji aliyên siyasî yên Iraqê û Herêma Kurdistanê, encam red kirin û nerazîbûna xwe li ser piroseya jimartina elektironîk ji dengan re dan xuyakirin.
Di encamê de, Encûmena Dadweriyê, lêkolînê di vê pirsê de dane destpêkirin û biryar hat stendin ku ew sindoqên gilî li ser wan hatine tomarkirin, bi dest bêne jimartin.