Emîne Şenyaşar Konferansê Demokrasî de qisey kerd û vat: ''Hende barbar ê. Hukmatî Îbrahîm Halîl Yildiz kerd wekîl. Pêro keyeyê mi kişîya. Ma têna meverdêne.''
Emîne Şenyaşara ke mêrde û 2 lajê ci hetê merdimanê Wekîlê AKPyî Îbrahîm Halîl Yildizî ra kişîyayî lajê xo Ferît Şenyaşarî reyde pîya beşdaraKonferansa Demokrasî bîy.
Emîne Şenyaşar konferans de qisey kerd û da zanayîş ke, înan rê zulm dewam keno. Emîne Şenyaşar va: ''Ma se kerdbi? Ê hende barbar ê. Dewlete Îbrahîm Halîl Yildiz kerd wekîl. O merdim faîz weno, kiştox o û dizd o. Ey keyeyê mi çin kerd. Ez nêeşkena keye de vindera, serê sibayî wurzena şina. Wa lajê mi bêro veradayîş. Ez edalet wazena. Pêro keyeyê mi kişîya. Ma têna meverdêne.'