Dewleta Ermenîstanî vana ke, teyarayê şerî, helîkopterê şerî û cergê dewleta tirkîya vera ma yenê xebitnayene.
Serekkomarê Karabagî eşkerayîya xo de vat ke ''Aya ke şer kena Azerbeycan ney Tirkîya ya. Helîkopterê tirkîya, teyarayê F-16î yê tirkîya û leşkerê bipereyî vera ma şer kenê.''
Rojnameyê Armannewsî da zanayene ke dewleta tirkîya nêzdîyê 4 hezar çekdarê sûrîyeyîjî erşawitî Azerbeycan. Xebere de yeno vatene ke nê çekdaran ra 81 tenî şerê Karabagî de kişîyayî.
Şerê Armenîstan-Azerbeycanî roja yewşemeyî dest pêkerd.
Goreyê Bakû mabênê 24 saetanê peyênan de 550 leşkerê armenîstanî kişîyayê. Îdarekaranê Erîvanî zî pare kerd ke 200 eskerê azerîyî kişîyayî.
Wezaretê Pawitişî yê Karabagî qebul kerd ke hetê înan ra 32 leşkerî kişîyayî.
Wezaretê Pawitişî yê Armenîstanî zî ard ziwan ke 4 helîkopter, 27 drone û 33 tank û mitralyozî ameyî îmhakerdene. Hetê armenan eşkera kerd ke bombardumanê Azerbeycanî de sivîlî merdê ke înan ra yew doman yew zî cinî ya.