Wezîrê bergirîyê Emerîkayê raghand, nêzîkî dû hezar çekdarên Daişê yên bîyanî di zîndanên Hêzên Suriya Demokrat (HSD) da hene.
Mark Espir ragihand, pêwîste Birîtanîya û welatên din yên Ewrupî bi berpirsyaretiya xwe rabin derbarê hewandina çekdarên Daişê yên bîyanî.
Bi gotina wî, nêzîkî dû hezar çekdarên Daişê yên bîyanî di zîndanên HSDê de girtîne û hebûna wan li bakurê rojavayê Sûriyê cihê metirsîyê ye.
Got jî: Ew li gel hevtayê xwe yê Brîtanî behsa vê mjarê dê bike û daxwaz ji Birîtanîyayê dê bike ku çekdarên xwe yên Birîtanî ji Sûriyê veguhêze.
Li gor hinek amaran di navbera 250-300 çekdarên Daişê yên Birîtanî di zîndanên Rêveberîya Xweser de hene.
Her wiha di derheqê Husiyan got jî: Mafê Seûdîye ye berevanîyê ji xwe bike û dijî êrîşên nîve rojaneyên Husyîan reweste ku rojane li dijî wê dihên encamdan.
Derbarê Îranê jî Êsper got: Îran çavkaniya arîşeyên deverê ye nemaze li Yemen, Suriya û Lubnanê û dixwaze mûşekên navokî jî berhem bihîne.
Ew wezîrê Emerîkayê got jî: Waşington dixwaze Îranê rakêşe ser rêya dîplomasîyê û me divêt gotûbêja wê yekê bikin ka çawa suriştî bin û destê wê di duristkirina arîşe û terorê de nebe û eger ew destên xwe ji wê yekê helgirin gelek arîşe çareser dibin.