Merkezê Xeberan- Fermandarêko peyaberz yê pasdaranê Îranî o ke vajîyeno nêzdî ra embazê Qasim Sulêymanî bi, Sûriye de ame kiştiş.
Ajansê nêzdîyê pasdaranê Îranî aşkere kerd ke, fermandarêkê pasdaran bi namê Esqer Paşapûr roja 2ê na aşme Heleb de amo kiştiş.
Vajîyeno ke no fermandarê pasdaran şerê mabênê hêzê rêjîmê Sûriye û çekdaranê opozîsyonî de amo kiştiş.
Fermandarê Supaya Pasdaran yê Hêzanê Qudisî Qasim Sulêymanî aşma verîne bi destê Amerîka paytextê Iraqî baxda de amebi kiştiş.