Ferhengê Kurdkî-Tirkî yê Enstîtuya Kurdî ya Îstanbûlî hetê Zana Farqînî ra ameyo hedrekerdiş.
Çapê verênî yê ferhengî 2004î de amebi çapkerdiş. 18 serran ra dima ferheng bi hîrakerde ameyo çapkerdene. Enstîtuya KUrdî zî bi wesîleyê çapkerdişê ferhengî bernameyêk organîze kerd. Xeylê nuştoxî, rojnamegerî, ziwannasî û wendekarî beşdarê bernameyî bîyê.
‘Serwetê min o madî zî no ferheng o’
Ziwannas û hedrekerdoxê ferhengî Zana Farqînîyî va, “Wexto ke ma arqilîyayê xo, ma nêzanayêne verînanê ma se kerdo. Bi saya kedkaranê ziwanê ma, ma eşkayê raya xo bivînê. Serwetê min o madî zî no ferheng o.
Eke dezgeyî mebê, xebatê tekaneyî heta cayêkî benê. Ganî peyê nê tewir xebatan de dezgeyî bibê.” Badê qiseyanê xo, ziwannas Zana Farqînîyî seba wendoxan ferhengî îmza kerdê. Ferhengê hîrakerdeyî de, 175 hezar û 358 hebî madeyê Kurdkî estê. Ferheng pêropîra 2648 rîpelan ra yeno pê.