Dayîka 2 domanan Ebru Tekin a 21 serrî, Êlih de hetê mêrdeyê xo yê verînî ra amey kiştene.
Goro ame zanayîş, Ebru Tekin ke Taxa Pınarbaşı de rayîr ra şîyêne mêrdeyê aye yo verîn M.D. pê erebe a teqîp kerd.
M.D. bi çekê xo Ebru Tekin kişt.
Hêriş kar cayê hedîse ra rema û Ebru Tekin hetê kesê ke dorûver de bîy ra wedarîya nêweşxaneyêko taybet.
Ebru Tekina ke sîneyê xo ra birîndar bî, nêweşxane de nêwelesîya û merd.
Qetilkar M.D demêk bade cû hetê polîsan ra ame tepiştene.