Elewîyî Almanya de sey 'komelêkê bawerîye' ameyî qebûlkerdene. Parlamentoya Eyaletê Ren Vestfalya qerar da ke elewîyî bibê statuyê 'şexsê tuzelî.'
Parlamentoya Eyaletê Ren Vestfalya ya Almanya (NRW) qerarêko tarîxî da û pêro welat de elewîyî sey 'komelêkê bawerîye' qebul kerd. Bi no qayde elewîyî Almanya de sey 'komelêkê bawerîye' asta berze de şinasîyayî.
Federasyonê Yewîyanê Elewîyan ê Almanya 10ê kanûne de verê Parlamentoya Paytextê Eyaletê NRWî Dusseldorfî beyanatêk da û vat: ''No destekwteyo tarîxî yo ke badê xoverdayîşê 30 serran ame qezenckerdene. Destpêkê xoverdayîşî yê neweyî yo. Bawerîya elewîtîye gêrîyaye binê qanûn û asayîşê Almanya. Hînî Almanya de elewîyî sey dêran wayîrê heman heqan ê.''