Merkezê Xeberan- Qezaya Gazîemîrî yê Îzmîrî de vera keyeyêkê elewîyan hêrişêko nîjadperest ame kerdene. Keyeyê Şenalî yo ke taxa Yeşîlî yê Gazîemîrî de ronişeno ser o ''bitewezîye elewî'' ame nuştene û keye ame deqkerdene. Polîsan hêrişî ra dima serebût sey karê serxoşan yan zî ê domanan ramojna. Keyeyê Şenalîyî zî pare kerd ke hêriş hetê domanan ra nêame kerdene û biqesawet ê.
Gore xebera rojnamegera Birgunî ya Aycane Karacadag babî Bayram Şenalî derheqê hêrişî de tay beyanatî dayî û vat: "Polîsan ma ra va karê domanan o. Rayîr û awa ma çin ê. Ma seba naye şîbî şaredarîye. Hetkarê şaredarî ma ra va ke 'Şima rê awe û rayîr nêdana' û wezîfedaranê asayîşî hêrişê ma kerd û ma derb kerdî. Dima ke ma şarederîye reyde muneqeşa kerd no hêriş qewimîya. Ma înan ra şik kenê la ma nêeşkenê rast a rast vajê înan kerd."
Lajê keyeyî Eren Şenalî zî va: "Mi babîyê xo rê va ke venga polîsan bido. Keyeyo ke ser o nuşte ame nuştene de 4 kesî ciwîyenê. Polîsan bi sipreyanê sûran serê nuşteyî girewt. Naye ra verî tîya de çîyêko winasên nêqewimîya. No hêriş hêrişêko gemarin o."
Elewîyê Îzmîrî: Ma ser o hêrişê gemarinî benê
Qezaya Gazîemîrî ya Îzmîrî de dêsanê keyeyêkê elewîyan ser o '' bitewezîye elewî '' ame nuştene û keye ame deqkerdene. Keyeyî îfade kerd ke seba ke şaredarîye reyde muneqeşa kerdibi naye ra no bîyo.
Qezaya Gazîemîrî yê Îzmîrî de vera keyeyêkê elewîyan hêrişêko nîjadperest ame kerdene. Keyeyê Şenalî yo ke taxa Yeşîlî yê Gazîemîrî de ronişeno ser o ''bitewezîye elewî'' ame nuştene û keye ame deqkerdene. Polîsan hêrişî ra dima serebût sey karê serxoşan yan zî ê domanan ramojna. Keyeyê Şenalîyî zî pare kerd ke hêriş hetê domanan ra nêame kerdene û biqesawet ê.
Gore xebera rojnamegera Birgunî ya Aycane Karacadag babî Bayram Şenalî derheqê hêrişî de tay beyanatî dayî û vat: "Polîsan ma ra va karê domanan o. Rayîr û awa ma çin ê. Ma seba naye şîbî şaredarîye. Hetkarê şaredarî ma ra va ke 'Şima rê awe û rayîr nêdana' û wezîfedaranê asayîşî hêrişê ma kerd û ma derb kerdî. Dima ke ma şarederîye reyde muneqeşa kerd no hêriş qewimîya. Ma înan ra şik kenê la ma nêeşkenê rast a rast vajê înan kerd."
Lajê keyeyî Eren Şenalî zî va: "Mi babîyê xo rê va ke venga polîsan bido. Keyeyo ke ser o nuşte ame nuştene de 4 kesî ciwîyenê. Polîsan bi sipreyanê sûran serê nuşteyî girewt. Naye ra verî tîya de çîyêko winasên nêqewimîya. No hêriş hêrişêko gemarin o."