Li gundê Meydankê yê navçeya Şera û gundê Qeretepe, 100 darên zeytûnan ji aliyê milîsên Tirkî ve hatin birîn.
Li gor zanyariyên Afrinpostê, milîsên Sultan Mûrad derdora 70 darên zeytûnê ji zeviyekî li dorhêla gundê Meydankê yên şêniyê Kurd bi navê Mihemed Elî Mihemed ji şêniyên gundê Qizilbaşa yê Bilbilê birîn.
Herwiha li zeviyekî din ê şêniyê Kurd Mihemed Elî Mihemed (Ebû Heval) ji şêniyên gundê Qeretepe, yê bi ser bajarê Efrînê ve ku ew bi xwe xwediyê hola Rotana ya şahiyan e, dar hatin birîn û derdora 35 darên din ên zeytûnê li zeviyekî ku 140 dar lê hene hatin birîn û ew zevî jî di navbera gund û rêya giştî dikeve.