Çavkaniyekê ji nav bajarê Efrînê ragihand, ku şer û pevçûn di navbera çekdarên opozisyonê yên hêza bi navê Ehrar Elşerqiye û hejmarek ji koçberên Ereb de derket, ku pêştir ji Xûteya Rojhilat a girêdayê gundewarê Şamê ve bo nav bajarê Efrînê hatibûn veguhastin.
Heman çavkaniyê bal kişand ser vê yekê jî ku hêzên çekdar ên opozisyonê gelek binpêkirinan li dijî koçberên Xûteyê jî dikin, ku li Efrînê hatine bicihkirin.
Derbarê sedemên şerê navbera her du aliyan de heta niha ti zanyarî nehatine bidestxist.
Bi gotina çavkaniyê navbirî, ji ber şer û pevçûnên di navbera çekdaran de li Efrînê, çekdarên opozsiyonê bûne sedema kuştina gelek welatiyên sivîl û koçberên Xûteyê ku li wê herêmê hatine bicihkirin.