Efrîn de otombîlêk de teqayîş qewimîya û goreyo ke vajîya birîndarî estê.
Ewro serê siba Efrîn de otombîlêk de teqayîşêk qewimîya. Goreyo ke vajîya teqayîş de çekdarêk bi giranî birîndar bîyo û banê ke kişta teqayîşiî de ca girewtêne zî zafê xo rijîyay.
Ame zanayîş ke wayîrê otombîle çekdarêkê grûba Ehrar El Şerqî yo û a mehla de niştêne ro û o bi xo bi giranî birîndar bîyo.
Nê rojanê peyênan de Efrîn de hema her roje teqayîşêk qewimîyeno. Goreyo ke vajîyeno grûbê çekdarê ke Efrîn de falîyet kenê mabênê înan de pêrodayîş esto û hêrîşê yewbînan kenê. La pêrodayîşê mabênê grûbanê çekdaran de şaro sîvîl zerar vîneno û beno qûrbanê nê pêrodayîşan