Kurdê ke Efrîn de binê zulmê çekdranê OSOyî de ciwîyenê înan rê her roj işkence beno!
Kurdê ke Efrîn de binê zulmê çekdranê OSOyî de ciwîyenê înan rê her roj işkence beno! Grûbêka çekdare vîdyoya eşkencekerdişê Kurdêkê Efrînî vila kerd.
Vîdeo de zî asîyeno ke çeteyî welatîyo Kurd ra wazenê wa keyeyê xo ra pere biwazo. Eke pere nêdîyê do ey bikişê. Welatîyo Kurd Şerefedîn Sîdo vîdyo de keyeyê xo ra wazeno wa pere bidê çeteyan, eke nêdo do bêro kiştene. Şerefedîn Sîdo vîdyo de vano: Ez çend rojîyo ke îşkence vînena, tîya de nan û awe nêdanê mi.
Bajarê Kurdan Efrîn 18ê Adara 2018î ra nat destê dewleta Tirkîya û grûbanê çekdaran de yo, semedo ke pereyanê Kurdan bigîrê hetanî nika Efrîn de hezaran Kurdî amê remnayîş û înan rê îşkence bîyo.
GORISTANÊ ÊZÎDÎYAN AMÊ TALANKERDENE
Heto bîn ra çeteyanê OSOyî dewa Efrînî Kîbare de goristanê Kurdanê Êzîdîyan texrîp kerd û şa we.
Qaso ke Merkezê Medyaya Efrînî aşkera kerd, goristanê Kurdanê Êzîdîyan de semedo ke mezelan ser o nuşteyê Kurdkî estbî mezelî pêro hetê çeteyanê OSOyî ra amê şikitene.
Roja ke Efrîn kewto destê esekranê Tirkîya û çeteyanê OSOyî goristanê Kurdan yenê rijnayîş, malê înan yeno talankerdiş û dest ronîyeno mal û hêgayanê Kurdan ser.