Herêma Cindirêsî ya Efrînî de 3 welatîyê kurdî hetê îstixbaratê Tirkîya ra ameyî remnayîş.
Teşkîlatê Heqanê Merdiman yê Sûrîye aşkere kerd ke, îstixbaratê Tirkîya (MÎT) 3 welatîyê Kurdî ê ke dewa Şuydirya ra bîy remnayê û ê berdî cayo ke nêno zanayîş.
Sebebê remyayîşê 3 welatîyan nêame zanayîş.
Demê îşgalkerdişê Efrînî ra nata, Adara 2018î ra heta nika çekdaranê girêdayîyê Tirkîya qasê 2 hezar welatîyê Kurdî remnayê. Cayê gelêk kesan bewlî nîyo, xeylê kurdî hetê çekdaran ra pê îşkence ameyê qetl kerdene