Teşkîlatê Heqanê Merdiman yê Efrînî aşkere kerd ke, çekdaranê grûba Polîsê Eskerî roja 5 û 6ê na aşme de dewa Qêsimî ya qezaya Raco ra semedê girewtişê pereyanê înan 9 kesî remnayê.
Namê kesê ke ameyê remnayîş wîna yê: Ehmed Hesen Dîko, Ekmel Henan Ehmed, Henan Şêx Birîm, Şemsedîn Mistefa Mecîd, Ehmed Qadir Sîdo, Xelîl Bekir Bilal, Beta Dîko, Mihemed Şaban Dîko, Mesûd Husên Dîko.
Teşkîlatî da zanayîş ke, wexto ke çekdaran hezar Lîreyê Tirkî her kesî ra girewtê, badê ê veradayê
Demek verê cû zî çekdaran 6 kesî eynî dewe ra remnabî, 2 kesan ra pere girewtê û ê veradayê. Heta nika aqûbetê 4 kesanê binan bewlî nîyo.
7ê na aşme de zî dewa Mîrka ya qezaya Mabet ara zî 9 kesê bînî ameyî remnayîş. Çeteyan semedê veradayîşê înan pere wazenê.
Namê kesê ke ameyê remnayîş wîna yê: Semîr Dawûd, Faroq Mistefa, Henan Hec Hesen, Şêxo Hesen, Faroq Hemalîko, Mistefa Mihmûd, Zuhêr Deyan Ebdî, Mihemed Xalid Ebdo.
Roja îşgalkerdişê Efrînî ra nata hetê artêşa Tirkiya û grûbanê çekdaran ra hezaran kurdê Efrînî ameyê remnayîş. Seyan kesî bi pereyan ameyî veradayîş la bi seyan kesî zî bi îşkence ameyê qetl kerdene.