Merkezê Xeberan - Çekdaranê grûba Lîwaya Mihemed el-Fatihî ke girêdayîyê Tirkîya yê 8 welatîyê Kurd dewa Mamila ya nahîyeya Raco remnayî.
Gorê malumatê Teşkîlatê Heqanê Merdiman yê Efrînî, roja 10 gulane çekdaran eşt dewa Mamila û dest ronayê 7 welatîyan ser.
Welatîyê Kurdî bi nameyê Kîmaho Enwer Kurdî, Dozyar Enwer Kurdî, Mihemed Osman, Demxwaş Kolîko, Ehmed Mihemed, Ehmed Mistefa û Hesen Cemîl Hesen amê remnayîş û nêno zanayîş ke nika kamca de yê.
Heto bîn ra roja 30ê Nîsane de welatîyo Kurd Enwer Osman Hemkolîno o 40 serre zî hetê eynî çekdaran ra ame remnayîş.
Efrîn de mîyanê aşmêk de 22 tenî ameyî remnayîş û înan ra 2 tenî cinî yê.