Merkeze Xeberan
Çekdaranê opozîsyona Sûriye ewro (04-10-2019) bajarê Efrînî de esnfako bi namê Ednan Reşîd qetil kerd.
Ajansêko herêmî aşkera kerd ke çekdarê opozîsyona Sûriye êke semedê Tirkîya Efrîn de falîyet kenî, waştê dikanê yew esnafê Kurdî (Ednan Reşîd) talan bikî. Naye ser Ednan Reşîdî zî waşt malê xo û ganê xo bipawo. La çeteyan bi guleyan o kiştiş.
Artêşa Tirkiya pa çekdaranê îslamî yê opozîsyona Sûriya 18ê Adara 2018î dest rona bajarê Efrînî ser o. Ê wextî ra nata Erîn de hedîseyê kiştişî, talankerdişî û remnayîşî kêmî nêbenê.