Ewro 18ê Adare, 3 serrî îşgalkerdişê bajarê Efrînî yê Rojavayê Kurdistanî ser ra vîyartî.
3 serrî verê cû, 58 rojan ra dima, hêrîşanê Artêşa Tikrkîya û grubanê çekdaran pey, bajarê Efrînî kewt destê înan. Heta nika zî Tirkiya û grûbê çekdarî Efrîn de sûcê merdimayî nîşan dayî.
Mîyanê 3 serran de grûbê çekdarî hetêk ra şar kişt, remna, malê înan talan kerd û ziwan û kulturê Kurdan qedexe kerd.
Rîyê şerê Efrînî ra qasê 300 hemwelatiyê sivîlî ameyê kitiş û hezar û 500 sivîlî zî birîndar bîyê. Qasê 300 hezar Kurdê Efrinijî zî herêma ra rîyê zulmê çekdaran ra koç kerd.
Îşgalê Efrînî ra dima mal û milkê hemwelatiyanê Kurdan hetê grûbanê girêdayîyê Tirkiya ra ame talankerdiş.
Muxalîfê Sûrîye ke xizmetê Tirkîya kenê ziwanê Kurdî programê wendişî ra vet.
Wexto ke Efrîn nêkewtbi destê Tirkîya şarê Efrînî %92 Kurd bî, la nika Ereb û Tirkmen Efrîn de ca bîyê Kurdî zaf tay mendê.