Doktorê her çar pareyanê Kurdistanî (Başûr, Rojhilat, Rojawan û Bakur) bajarê Duhokî de kongreya doktoran de yenê yewca.
Bajarê Herêma Kurdistanî Duhok de doktorê her çar pareyanê Kurdistanî (Başûr, Rojhilat, Rojawan û Bakur) kongreyêk tertip kenê.
Koordînatorê kongreya Mezopotamya Dr. Ebdula Casimî no derheq de beyanat da keyepelê BasNewsî û va: Kongre do roja 22.06.2019 de Duhok de salona konferansanê zankoyî de bêra kerdene. Her parçeyanê Kurdistanî ra do doktorî bêrê kongre.
Kongreya heştine ya doktoranê Kurdistanî, her serre yena organîzekerdiş û bi ziwanê Kurdkî yena hadrekerdiş. Heme qisêkerdişê kongre bi Kurdkî yê. Ebdula Casim vano: Ma bi na kongre kenê ke wa ziwanê Kurdkî mîyanê tibbî de ca bigîro û mîyanê doktoran de bêro qiseykerdiş.