Odaya Bazirganîye û Sanayî ya Amedî (DTSO) musabeqaya hîkayeyanê kurdkî (kirdkî-kirdaskî) daye destpêkerdene. Seba musabeqa muracatê peyênî 21ê adare roja Newroz a.
Odaya Bazirganîye û Sanayî ya Amedî (DTSO) bi eşkerayîyêke da zanayene ke ê do musabeqaya hîkayeyanê kurdkî (kirdkî-kirdaskî) bikerê.
DTSOyî da zanayene ke seba ney jurîyêk do bêro awankerdene. Têna wendekarê dibistanî do bieşkê muracatê musabeqa bikerê. DTSOyî derheqê musabeqa de nê agahîyî dayî: ''Netîceya musabeqa de 10 wendekaran rê tablet bêro dayene. Pêro beşdaran rê zî setê edebîyatê kurdkî sey dîyarîye bêro dayene.''
Şertê beşdarîya musabeqa wina yê:
-Hîkayeyî do bi kirdkî yan zî kirdaskî (kurmanckî) bêrê nuştene.
-Wendekarê ke muracat bikerê ganî bi dokumentî bimojnê ke înan dersa kurdkî weçînaya.
-Musabeqa asta sinifanê 5-6-7 û 8. de biba.
-Hîkayeyî ganî tewr tay 400 çekuyî bibê.
-Wendekarê ke Amed û qezayanê ci de ciwîyenê eşkenê muracat bikerê.
-Seba muracatan tarîxo peyên 21ê adara 2022î yo, muracatî ganî Bînaya Xizmetê Bazirganîye û Sanayî ya Amedî rê bêrê kerdene.