RÛPELA NÛ/Heval, dost û merdimê rehmetî Cemal Budakî Enstytuya Kurdî ya Parîsî de amê têhet, bi merasîmêko taybetî Dr. Cemal yad kerd. Yadkerdiş de Kendal Nezanî zî qalîkerdişêk kerd.
Vizêr, 12.12.2020 Parîs de, Enstutuya Kurdî de keye, heval û merdimê Cemal Budakî amê têket û bi merasîmêko sade o yad kerd û bi no qayde xebatkar û heskerdoxêkê Kurdistanî rê xatir ame waştiş.
Dr. Cemal Budak 29.11.2020 de Fransa de rîyê virusê Korona ra wefat kerdbi, 03.12.2020 de bi merasîmêgo pîl Amed de amebi defin kerdene.
QISEYKERDIŞÊ KENDAL NEZANÎ
Merasîm de lajê ema Cemal Budakî û hevalê ey ê tutî, ronayox û serekê Enstutuya Kurdî yê Parîsî Kendal Nezanî qiseykerdişêk kerd. Kendal Nezanî qala tutîya xo û yê Cemalî kerd, qala Silîwanê ê wextî û welatperwerîya bajarî û tesîrê kulturê Kurdperwerîya bajarî kerd .
Kendal Nezanî qala demê lîseya Zîya Gokalpî ya Diyarbekirî, unîversîteya Ankara kerd. Birêz Kendal Nezanî va, Cemal matematîk, kîmya û fizikî dezaf jehat bi. Demê lîse de û bi taybetî demê unîversîte de û mezûniyetî ra dima, dersê Matematîk, kîmya û fizîkî dayêne wendekaranê Kurd û semedê îmtîhanî hetê înan kerdêne.
Birêz Kendal Nezanî qala xusûsiyetê Cemal Budakî kerd ke çiqas merdimêko zerrîpak, bêveng û hewl bi. Nezanî derheqê welatperwerîya Cemal Budakî de çend nimûneyî dayî.
Kendal Nezanî wîna dewam kerd “Cemal û keyeyê ey zad ezîyet û zehmetî vînayî. Semedo ke keyeyê ey ra 3 kesî, 3 birayê ey hetê Hizbullah û Jîtemê Tirkiya ra ameybî kiştene, zaf eziyet vînayê, la reyna zî mîyanê xo de cuyêka weşe cuyayê.