Bi minasebetê Serrgêra şehadetê Sekreterê Pêroyî yê Partîya Demokrata Kurdîstanî (PDK-Î) yê Îranî Dr. Abdurahman Qasimlo, paytaxtê Belçîka Bruksel de, verê Parlementoyê Ewropa de çalakîya yadkerdişî virazîya.
Bi minasebetê Serrgêra şehadetê Sekreterê Pêroyî yê Partîya Demokrata Kurdîstanî (PDK-Î) yê Îranî Dr. Abdurahman Qasimlo ke 13ê Temmuza 1989î de hetê Rejîma Îranî ra Vîyana de amebi qetilkerdiş, paytaxtê Belçîka Bruksel de verê Parlementoyê Ewropa çalakîya yadkerdişî amey organîzekerdiş.
Çalakî de bayragê Kurdîstanî amê têraşanayîş û xeylê kesî beşdarê ci bîyî.
Heyetêka PAKî û serekê PDK-Î Mustafa Hîcrî zî beşdarê çalaki bîyî. Mustafa Hîcrî yî çalaki de qiseykerdişê kerd û behsê tekoşînê Dr. Abdurahman qasimlo kerd.
Koma ke bi seyan kesê ke xeylê welatanê Ewropa ra beşdarê ci bîy heta erey saete vere Parlementoyê Ewropa de vindert.