Li devera Şareban ya parêzgeha Diyale ya Iraqê, di êrişeka çekdarî de du kes hatin kuştin.
Berdevkê polîsê parêzgeha Diyale, Nîhad Mihemed ji BasNewsê re got, şeva borî li nêzîkî bajarokê Şareban, pîremêrek û neviyê xwe dema ji nav zeviya xwe vedigeriyan mala xwe, rastî êrişa çekdarî hatin.
Nîhad Mihemed da zanîn, di wê êrişê de ku ji aliyê terorîstên DAIŞê ve hatiye kirin, ew her du kes hatin kuştin.
Wî efserê polîs anî ziman jî, piştî wê êrişê hêzên ewlehiyê derketin operasyonê lê ti encamek bi dest nexistin.