Merkezê Xeberan- Dêrsim de wendekara Zanîngehê Munzurî Gulîstane Doku 5ê çeleyî ra nata vîndîbîyaye ya. Derheqê roja ke Gulîstane vîn bîye de dîmenê neweyî vejîyayî meydan.
Dîmenanê verênan de amebî eşkerakerdene ke Gulîstane waştîyê xo Zaînal Abarakov de qisey kena û dima têna cehde ra şona cinişena mînîbusêke.
Goreyê zanayîşanê ke keyeyê Gulîstane ra ameyî girewtene cendirmeyan raporêk amade kerd ke Gulîstane pirdê Dînarî yê awbendê Uzunçayirî de nîya. Keyeyî da zanayene ke heta nika teberî şaristanî ra 17 ekîbê cîyayî ameyî la polîsan înan rê zî heman rapor nuşt û ê erşawitî. Polîsan raporanê xo de waşt ke seba ke cigêrayîşî bêrê vinderetene pabeyê cewabêkî yê.