“Hêzên Pêşmerger êrîşa terorîstî têk birin û niha rewş di bin kontrola hêzên Pêşmerge de ye.”
Di daxuyaniyê de Dije-Terora Kurdistanê ragihand: “Berbanga îro şemiyê çekdarên grûpa terorîstî ya DAIŞê li bilindahiyên nêzîkî gundê Pirkan li sînorê Mîhwera Pênc a hêzên Pêşmerge êrîşî sengerên Lîwaya 10 ya Hêzên Pêşmerge kirin.”
Herwiha hat eşkere kirin: “Hêzên Pêşmerger êrîşa terorîstî têk birin û niha rewş di bin kontrola hêzên Pêşmerge de ye.”
Li gor zanyariyên K24ê, di êrîşê de 3 Pêşmerge şehîd bûne û 2 Pêşmerge jî birîndar bûne. Herwiha di demeke kêm de Pêşmerge rewş kontrol kiriye û çekdarên DAIŞê neçar mane ku birevin.