Dije Terora Kurdistanê li ser hesabê xwe yê Facebookê bersiva fermandarekî koma Seyîdul Şuheda ya Heşda Şeibî, Ebû Ala El Welaî da û ragihand: “Hûn ne nûnertiya Iraqê dikin û ne jî xwediyê statuyeke fermî ne, hûn terorîstên tirsonek in û li ser daxwazên axayên xwe welat wêran dikin.”
Duh fermandarekî koma Seyîdul Şuheda ya Heşda Şeibî, Ebû Ala El Welaî êrişî Herêma Kurdistanê kiribû û gefa wê yekê xwaribû, dê nehêlin qanûna budceya Iraqê bi sûda Herêma Kurdistanê were pesendkirin.
Îro çarşemê Dije Terora Kurdistanê bersiva Ebû Ala El Welaî da û ragihand: “Hûn ne nûnertiya Iraqê dikin û ne jî xwediyê statuyeke fermî ne, hûn terorîstên tirsonek in û li ser daxwaza axayên xwe hûn welat wêran dikin û her roj li cihekî kiryarên terorîstî encam didin, hemwelatiyên sivîl dikin qurbanî û cihên giştî û firokexaneyên medenî mûşekbaran dikin û êrîşî hevpeymanan dikin.”
Herwiha Dije Terora Kurdistanê eşkere kiriye ku “We di 16ê Cotmehê de xwe li hember Serok Barzanî ceriband, lêbelê we şikest xwar û şermezarî ji we re ma”.