Herêma Kurdîstanî de ziwatîye ra mîqtarê awe kêmîya dewa Girê Qesrûkî vejîya werte ke dewe 36 serrî verî binê awe de mendbî.
Dewa Girê Qesrûkî ya şaristanê Dihokî ya Başûrê Kurdîstanî de 1985 de awbendêk amebi viraştene û semedo ke dewe binê awe de mendbî dewijan koç kerdbi.
La dima ke awa awbendî ziwa bîye binî ra medeyê dewe vejîyayî werte.
Berpirsê awbendê Ferhad Tahîrî AFPyî rê qisey kerd û vat: ''Awa awbendî emser ziwa bîye. Serranê 1992, 1999 û 2009î de zî awe kêmîyabî û reyna dewe vejîyabî werte.''
Verî ke dewe binê awe de mendbî eşîra Doskî ra qasê 50 keyeyî tede mendêne.