Li gorî amarên TUÎKê, hejmara girtiyan li Tirkiyê heta sala 2017ê gehiştiye 232 hezar kesan, komeleyên mafên mirovan jî dibêjin hejmar heta sala 2018ê bûye 258 hezar kes ku di nav de zêdetirî 3 hezar zarok, 10 hezar jin , 3 hezar û 102 jê xelkê Sûriyê, bi giştî 7 hezar û 897 kesên biyanî hene.
Saziya fermî ya amaran TUÎKê amarên sala 2017ê yê di derbarê girtîgehên li Tirkiyê û Bakurê Kurdistanê de belav kirin. di amarên TUÎKê de behsa hejmara girtiyan û rêjeyên tawanan tê kir.
Sala 2017ê li gorî sala 2016ê hejmara girtiyan ji rêjeya ji sedî 15.7 zêde bûye û gehiştiye 232 hezar û 340 kes. Li gorî beşek komeleyên mafên mirova jî ev hejmara heta manga 11 a sala 2018ê bûye 258 hezar û 660 kesan.