Di êrişek çekdarî de serkirdeyekî encûmena Dêrazorê ya Sivîl li ser riya navbera Hesekê-Dêrazorê jiyana xwe ji dest da.
Çend çekdarên nenas otombîla berpirsê encûmena rojhilatê Dêrazorê Zinar Kobanî navbera Hesekê-Dêrazorê kirin armanc.
Dema ku otombîla Zinar Kobanî 50 km li bakurê Dêrazorê li ser rê rawestiya bû, rastî êrişa çekdaran hat û di encamê de jiyana xwe ji dest da.
Di dema derbasbûyî de liv û tevgera DAIŞê li wan navçeyan zêde bûye û heta niha hejmarek ji karmend û berpirsên encûmenên sivîl yên Dêrazorê hatine terorkirin. Di demên derbasbûyî, çend caran Hêzên Sûriya Demokratîk (HSD) opersyon pêk anîne û hejmareke çekdarên DAIŞê girtine.
Di 9ê Nîsana 2021an de Fermanderê Lîwaya el-Bûseyre ya Hêzên Sûriya Demokratîk (HSD) Mistefa el-Şêx Elî û 2 pasevanên wî li bajarokê el-Şihêlê ya rojhilatê Dêrezorê di encama teqîna mîneke çandî de hatibûn kuştin.