Tayyîp Erdoxanî vatibi ma do cemxaneyan sey îbadetxaneyan ney, sey konûtî statuyêk bidê ci. Naye ser mîyanê Elewîyan de vera ney têgêrayîşî reaksîyonî ameyê dayene. Dezgeyê Elewîyan seba ke cemxaneyî sey îbadetxaneyî bêrê qebûlkerdiş, 22yê Sibate de yenê pêser.
Dezgeyanê Elewîyan ra; Fedarasyonê Komeleyanê Elewîyan, Federasyonê Elewî û Bektaşîyan, Komaleyê Kulturî yê Elewîyan, Komeleya Kulturî ya Pîr Sultan Abdalî, Federasyonê Weqfanê Elewîyan û Konfederasyonê Yewbîyayî yê Elewîyan ê Ewrûpayî va, ma wazenê wa cemxaneyî statuya îbadetxaneyî bigerê û ma seba nê waştişî 22yê Sibate de Cemxaneyê Kartalî de yenê pêser.
‘Cemxaneyî îbadetxaneyê ma yê’
Dezgeyê Elewîyan do 22yê Sibate de saete 12.00 de cemxaneyê Kartalî yê Îstanbûlî de bêrê pêser.dezgeyî vanê, “Cemxaneyî îbadetxaneyê ma yê. Statuya cenxaneyan girêdayîya wijdanê kesêkî nîya. Kes nêşkeno ser o vateyêk vajo. Ma wazenê wa şarê ma yo zerrtenik bêro û paştî bido ma.”
PÎRHA