Navenda Nûçeyan- Televîzyona K24 ragihand, îro karwaneke alîkarîyan ya Dezgeha Xêrxwazî ya Barzanî ku ji 40 kamyonan pêk tê, di derîyê sînorî yê Fîşxabûrê re derbasî Rojavayê Kurdistanê dibe.
Berpirsê wê karwanê Pîrdîyan Ceifer ragihand, ev karwana şeşemîn ya Dezgeha Xêrxwazî ya Barzanî ye bo xelkê Rojavayê Kurdistanê.
Pîrdîyan Ceifer da zanîn, karwana han ji 40 kamyonan pêk tê. Ev hevkarî 1700 kon, 9 hezar doşek, 2600 fîlterên avê, 600 kartonên cilûbergên zinvistanê li xwe digire.
Wî berpirsê Dezgeha Xêrxwazî ya Barzanî her wiha got, em wek Dezgeha Xêrxwazî ya Barzanî, van pêwîstîyan, li gor lîsteyên ku li Rojavayê Kurdistanê tên amadekirin, dişînin. Pêdvîya wan bi çi hebe, em jê re amade dikin.
Çavkanî: Basnews