Merkezê Xeberan - Hukmato vîyarte yê Efrînî ke destê kesanê ke girêdayîyê Tirkîya de yo, Efrîn de programê perwerdeyî ra Kurdkî vet!
Goro ke vajîya programê îmtîhanî de mekteban de ame vilakerdiş de ca nêdîya Kurdkî.
Ame vatiş ke, Efrîn de hetêk ra tabelayan ser de nuşteyê Kurdî amê vetiş hetêk ra zî mekteban de ca nêdîyeno ziwanê Kurdkî.
Vajîyeno ke, vîllaya ke hukmat sey cayê xo nika xebitneno milkê Hemwelatîyê Kurd Cemîl Qorta yo û destê ey ra bi zorî ameya girewtiş.