Meclîsê Leşkerî yê Minbicî da zanayene ke dewleta tirke xeylêk dewî dayî bombayan ver û netîceya bombardumanî de zeraro madî virazîya.
Merkezê Îrtîbatî û Çapemenîye yê Meclîsê Leşkerî yê Minbicî bi eşkerayîyêke da zanayene ke dewleta tirke ya îşxalkere dewê Kawiklî, Korhiyûk, Cebel El-Hemra, Boxaz û Mezarê El-Fewarisî dayî bombayan ver.
Meclîsê Leşkerî pare kerd ke bombarduman de dewa Hemra de keyeyêkî zerar dîyo. Meclîsî eşkera kerd ke hêrişî baregehanê dewanê Qîratê, Aşlî, Kirêdiyê, El-Zerzor û Şêx Nasirî ra ameyî kerdene.
Meclîsî îfade krd ke bombardumanan saete 22.00 ra heta 07.00 dewam kerd û tewr tay 49 topî kewtî herême.