Dewaya Qirkerdişê Sêwasî de ke batal bibi, roniştişo 22. yê dosyaya 3 versûcanê fîraran ê bi nameyê Eren Ceylan, Murat Sonkur û Murat Karataş Mehkemeya Cezaya Girane ya 1. ya Anqara de ame kerdene. Keyeyê qurbanan û wekîlê HDP û CHPyî tewrê roniştişî bîyî.
Avûkat Ozgur Pîrogluyî pare kerd ke 3 versûcê fîrarî zî sûcdarê terorî yê la hetê Wezaretê Karanê Zereyî ra sey terorîst nênê namekerdene û seba înan cigêrayîş nêno kerdene.
Heyetê mehkeme bire daye ke ganî versûcî bêrê tepiştene û hewce nêkeno ke seba îadekerdişê versûc Eren Ceylano ke adresê ci Hollanda de yo, selahîyetdaranê Hollanda rê nuşte bêro nuştene.
Dewa taloqê 20ê çeleyê 2021î bi.