Roniştişê dewaya Qirkerdişê Dedeogullariyî de waştişê veradayîşê vergumanan ame redkerdnee. Roniştiş taloqê 8ê sibate ame kerdene.
Konya de 7 ferdê keyeyê kurdî Dedeogullariyî ameybî qetilkerdene. Roniştişê dewaya Qirkerdişê Dedeogullariyî Mehkemeya Cezaya Girane ya Konya de ame kerdene.
Mehkeme bira mabênî eşkera kerde û waşt ke yewkerdişê dosyayan red bibo, adresê emailî yê sûcdaran bêrê cigêrayene, bankayanê ke deyn dayo Mehmet Altunî dokument bêro waştene, qeydê pêvînayîşê Ayşe Keleşî bêrê peydakerdene, qeydê telefonê keyeyê Altunî bêrê cigêrayene, şahîdî bêrê goşdarîkerdene, îfadeyê destbendkerdeyan ê verênan bêro girewtene.
Mehkeme waştişê veradayîşê versûcan red kerd. Mehkeme derheqê faîl Altunî de zî bira berdewamîya tepiştişî daye û roniştiş taloqê 8ê sibate kerd.