Hunermendo dêrsimij Yilmaz Çelîk 8ê kanûna 2019î de Dêrsim de konserêkî ra dima amebi tepiştene û 4 mengan ra dima amebi veradayene. Roniştişê dewaya Yilmaz Çelîkî vizêr Mehkemeya Cezaya Girane ya 2. de ame kerdene.
Selahîyetdarê Sersefîrîya Swîsre, tesmîlkarê partîyan ê sîyasîyan û rêxistinan seba ke tewrê roniştişî bibê ameyî Dêrsim. Bi bahaneya Korona têna destûr ame dayene ke keyeyê Çelîkî û wezîfedarê Sersefirîye tewrê roniştişî bibê.
Roniştişê dewaya Çelîkî de qedexeyê teberê welatî wedarîya û roniştiş taloqê 12ê teşrîna peyêne bi.
Yilmaz Çelîkî roniştişî ra dima qisey kerd û her kesî ra seba paştdayîşî sipas kerd.