'Destê xo mede erdê mi"

.

Komeleyanê Dêrsimî yê Îzmîrî bi çalakîyêk vera talanê xozaya Dêrsimî nêrazîbîyayîşê xo mojna ra û va: ''Wa projeyê maden û awbendî betal bibê.''

Komeleyanê Dêrsimî yê Îzmîrî vera texrîb û talanê xozaya Dêrsimî eşkerayîyêk da û talan protesto kerd.

Çalakîye de pankarta 'Dêrsim de talanî rê ne, seydîye wa qedexe ba, ruhsatê madenan wa betal bê' ameyî akerdene û sloganê sey 'Destê xo medê erdê mi', 'Seydîye spor nê qirkerdiş o' ameyî vatane.

Huseyîn Ozanî çalakî de qisey kerd û beyan  kerd ke çimeyê Dêrsimî seba rantî yenê pêşkêşkerdene.  Ozanî vat: ''Dêrsim de pê têkoşînê şarî 15on ruhsatê madenan ameyî betalkerdene la hêrişê vera xozaya Dêrsimî dewam kenê. Her serre pezkovîyê ma yenê qetilkerdene û daristanê ma yenê vêşnayene. Ê pê wesayîtanê karî dekewenê Çimeyanê Munzurî.  Ruhsatê madenanê Çemişgezekî çin ê. Wa şîrketî nê projeyanê talanî ra fek vera bidê.'' 
 

KIRDKÎ ( ZAZAKÎ) Haberleri

PWK: Ma ê kesê ke 2ê Temûza 1993î de, Otêlê Madimakî ya Sêwasî de ameybî veşnayîş bi hurmet yad kenê
PWK: Ma Şêx Seîd û embazanê ey bi hurmet yad kenê
Mustafa Ozçelîk: Wa Roşanê Qurbanî Bibo Destpêkê Vindarnayîşê Şerî, Îtifaqê Neteweyî û Azadîye
Mustafa Ozçelîk biryara hilweşandin û çek danîna PKKyê nirxand
Mustafa Ozçelîk: Seba wayîrcivejyayîşê ziwanê kurdkî,  her çî ra ver ma bi kurdkî qalî bike, ma kurdkî bimuse