Merkezê Xeberan- Deyaya Sipî bîya sey gorîstanî. Peynîya nê hewteyî de Deryaya Sipî de tewr tay 41 kesî merdî.
Qeraxanê Tirkîya de seba ke keştîyêk binê awe de mende tewr tay 11 kesî merdî ke 8ê înan doman bîyî. Nê kesî Rojavayê Kurdistanî rab î û Kurd bî. Çend rojî verê cû Tirkîya de di qezayê keştîyan qewimîyayî. Keştîyêka ke 50 kesî tede bîyî qeraxanê Yunanîstanî de binê awe de mende. Na qeza de 12 kesî merdî, 20 kesî zî hetê tîmanê pawitişê qeraxî ra ameyî xelisnayene.
Serekê Konseya Herême Dîmîtrîs Karamanîdîsî derheqê qeza de vat: "Şahîdan vatêne ke keştîye tîpê kabînî ya. Merdimanê ke kabîn de cixarê şimitêne dî ke awe kewte keştîye ser. O wext zî qerqilîyayî û keştîye qelibîya."
Serra 2019î de qaso ke ame tesbîtkerdene 1300 kesî Deryaya Sipî de qezayan de merdî. Goreyê Rêxistina Koçî ya Mîyanneteweyî mabênê panc serranê peyênan de 20 hezar kesî merdî.