Dêrsim û Çewlîg de reyna waqayê vîrusê Korona zêdîyenê. Dêrsim de dewêk seba ke tede vîruso mutant dîya qasê 10 rojan gêrîya binê karantîna.
Dêrsim û Çewlîg de waqayê Korona newe ra zêdîyenê.
Çewlîg de 6-12ê adare ra dima hûmara waqayanê vîrusê Korona 100 hezar de 25,20 zêdîya. Verî hewteyêk de 10 waqayî estbî la nê hewteyî 71 waqayî tesbît bîyî.
Xerîtaya rîskî ya Korona de rengê Dêrsimî zî çeqerî (rîsko qij) ra ho vurîyeno rengê turunçî. Walîtîya şaristanî hemwelatîyî seba girewtişê tedbîran hîşyar kerd.
Qezaya Çemişgezekî ya Dêrsimî de dewa Akçapinarî seba ke tede vîrusu mutant dîya qasê 10 rojan gêrîyaye binê karantîna.