Dêrsim de varayîşê vewre ra dima rayîrê 84 dewan û Çewlîg de zî rayîrê 130 dewan qefilîyay.
Bakurê Kurdîstanî de varayîşê vewre û varanî dewam keno.
Dêrsim de varayîşê vewre ra dima rayîrê 84 dewan û Çewlîg de zî rayîrê 130 dewan qefilîyay. Çewlîg de rayîrê mabênê Çewlîg-Amedî de xeylê wesayîtî mehsûr mendî, nêeşkenê bileqê. Vewre ra rayîran cemed zî girewt.
Ekîpê rayîran û hemwelatîyî xîret kenê ke rayîran abikerê. Selahîyetdaran hişyar kerd ke wa ramitoxî goreyê nîşaneyanê trafîkî têbigêrê, lastîkanê xo yê zimistanî bişuxilnê û zîncîran pakerê tekelanê wesayîtan.