Dêrsim de cinîya bi nameyê H.K. (19) raştê tacîzê Huseyîn Polatî ameybî. Huseyîn Polat û merdimanê ci waştêne ke serebût mîyan bikerê la badê razînêbîyayîşan Polat ame destbendkerdene.
Taxa Ataturkî ya Dêrsimî de 27ê teşrîna verêne de cinîya bi nameyê H.K. (19) cayê karî de hetê merdimêkê wayîrê karî Huseyîn Polatî ra amebî tacîzkerdene. Wayîranê karî xîret kerd ke serebûtê tacîzî mîyan bikerê. H.K. 2ê teşrîna peyêne de Serdozgerîya Komare ya Dêrsimî rê gerreyê Huseyîn Polat û wayîranê karî kerd.
Derheqê Polatî de bira dûrkewtişî dîyaye. Mudirîya Asayîşî ya Dêrsimî de îfadeyê H.K. ame girewtene. Îfadeyê Huseyîn Polat û wayîranê karî zî cayê karî de ameyî girewtene.
Vera serebûtî medyaya komelkîye ser o zî nêrazîbîyayîşî ameyî mojnayene. Gerreyê H.K. û nêrazîbîyayîşan ra dima Huseyîn Polat ame destbendkerdene.