Merkezê Xeberan- Dêrsim de hîrê kesanê ke bi hawayêko îlegal seydwanîye kerdêne û pezkovîyêk û 2 hargûşî qetil kerdî înan rê qasê 30 hezar TL cezaya pereyî ameye dayene.
Ekîbanê Şubeyê Parkanê Mîlîyan û Pawitişê Xozayî yê Dêrsimî tesbît kerd ke 3 kesê ke bi hawayêkê îlegalî seydwanîye kerdêne dewa Dokuzkaya ya qezaya Qisle de çermeyê leşanê pezkovîyêk û 2 hargûşan ci ra kenê.
Kesê ke pê ekîban hesîyayî hetê Çemê Pilemûrîye remayî. Ekiban zî xebere daye cendirmeyan. Cendirmeyan 3 seydwanê îlegalî tepiştî û înan rê qasê 30 hezar TL cezaya pereyî daye.