Weqîlê qeyyumê Dêrsimê walî Osman Kaymak bi minasebeta “Roja Xizir a Kulturê” ji karkirên şaredarîyê re teblîqatek şandîye ku ew mecbûr in, bêşdarê civînê bibin.
Civîn bi Sirûda Istîklalê ya Tirkan dest pê kiriye û walî di axaftina xwe de gotîye; nave wî Osman e lê ew ji alewîyan hez dike û dewam kiriye gotîye; ew ji alîye Wezareta Hundir ve wek wekîlê şaredarîyê jî hatîye destnîşankirin û ew him walî ye him jî şaredar e û di şertên OHAL de ku selehetîya di destê wî de heye ew dikare her hawî ezîyetê bi însanan bike, lê ew vê yekê nafikire û nayne bîra xwe.
Walî di berdawamîya axaftina xwe de gotîye; xelkê Dêrsimê di rastîya xwe de alewîyên tirkmen in û sadiqê bawerîya xwe ne. Lê terorsîst ew tirsandine û ew nikarin dengê xwe bilind bikin û bi vîyana xwe helwest werbigirin.
Dîyar e, piştî qeyyum hatine tayînkirin wezîfeya wan jî bi wan dane fêrkirin; yek ji wan wezîfeyan jî ew e ku ew dîroka xelqê wî bajarî bi wan bidin fêmkirin ku ew kî ne û eslê wan çi ne.
Walîyê Qeyyumê wekîl Osman Kaymak jî di civîna xwe ya yekem de ji vê destpêkirîye û elewîyên dimilî yê Dêrsimê kiriye tirkmen.
Hevserokê Şaredarîya Dêrsîmê Mehmet Ali Bul di 17ê Mijdara 2016ê de ji kar hatibû durxistin û tewqîfkirin û di şûna wî de walîyê Dêrsimê Osman Kaymak di 19.01.2017ê de wek wekîl hatibû tayînkirin.