Merkezê Xeberan - Platformê Kede û Demokrasî yê Dêrsimî bi wesîleya serrgêra 83ine ya Terteleyê Dêrsimî Çimeyanê Halvorî ke bi hezaran merdimî ci de kişîyayî û erzîyayî awe de qurbanê terteleyî yad kerdî.
Sîyasetmedarî temsîlkarê partîyanê sîyasîyan û dezgehan zî tede xeylêk kesî beşdarê aktîvîte bîyî.
Badê rezgirewtişî beyanat ame dayîş û ame waştiş ke wa arşîvî bêrê akerdene, hesab bêro dayene, şarê Dêrsimî ra êfu bêro waştene û nameyê Dêrsim reyna peyser bêro dayene, lîsteyê vînîbîyayeyan û cayê goranê Seyîd Rizayî û embazanê ci bêro eşkerakerdene, wa astengîyê verê ziwan, nasname û bawarî yê dêrsimijan bêro wedartene û planê talankerdişê xoza bêrê îptalkerdene.
Dima ra loqmayî ameyî vilakerdene û çirayî ameyî tafîsnayene. Semedê qurbananê terteleyî vilîkî erzîyayî awa Munzurî. Hunermend Metîn Kahramanî deyîrê kirmanckî vatî.
Şan de zî wesîleya serrgêra Terteleyê Dêrsimî ra qurbanî pê çilayan û lawikan ameyî yadkerdene.
Meydanê Seyîd Rizayî yê Dêrsimî de seba qurbananê Terteleyî çilayî ameyî tavistene û lawikî ameyî vatene.
Merasîm de Metîn Kahraman û Zeynep Kiliç lawikî vatî.
Ocaxê Kureyşanî ra Kadîr Bulutî gulbang da û nîyazî ameyî vilakerdene.