Qezaya Pilemûrî ya Dêrsimî de  3 seydvanê ke pezkovî kiştbî amê tepiştene û her yewê înan rê 27 hezar û 777 Lîreyê Tirkî ceza amey birnayîş.

Seydvanîya pezkovîyê ke binê pawitişî de yê qedexe ya. La komêk seydavnî Erzînganê Bakûrê Kurdistanî ra şîyî qezaya Pilemûrî ya Dêrsimî û waştê uca de pezkoviyan bikişê. Gama ke dewijêk bi namê Huseyîn Yildiz pêhesyeno seydvanî ameyê dewe, seydavî pezkovîyê ke kiştbî uca de verdenê û remenê.

Naye ser cenderme û tîmê parkê netewî û pawitişê tebîatî kewenê peye seydvanan û 3 kesan tepişnenê.

Kare girewtişê îfadeyê seydvanan ra dima înan rê her yewî rê 27 hezar û 777 Lîrayê Tirkîya ceza amey birnayîş.

Heto bîn ra semedê cakerdişê seydvananê binan ê ke remayê zî cigêrayîş dîya dest pêkerdene.