Merkezê Xeberan - Heyetê Rayberdişî yê Cemzaneyê Duzgun Babayî bi wesîleya serrgêra Terteleyê Dêrsimî leyî nayî ro û qurbanê terteleyî yad kerdî.
Heyetî vist vîrî ke her serre bitaybetî 4ê Gulane de dezgeyê Dêrsim, rêxistinê elewîyan û şarê Dêrsimî her cayo ke tede yê bi vîrardişan terteleyî şermezar kenê û qurbananê terteleyî vîr anê û vat: ''4ê Gulana 1937î de Heyetê Wezîran qerarê qirkerdişê şarê Dêrsimî girewt. Bi des hezaran ganê ma ameyî qetilkerdene êyê ke dima mendî êyê zî ameyî surgunkerdene.1937/38 de ame waştene ke Erdê Dewreşî pîya bi heme erjanê ci bêro çînkerdene. Ma zî bi nê zanayîşî bi hezaran ganê ma yê ke bê kefen kewtî herre, semedê vîrardîşê înan Duzgun Baba de 200 leyî nayî ro.