Hêzanê Kede û Demokrasîyî yê Dêrsimî qedexeyê çalakîyan û aktîvîteyano ke 8 mengîyo esto protesto kerd.
Hêzanê Kede û Demokrasîyî yê Dêrsimî Kuçeyê Sanatî de waşt ke bi eşkerayîya çapemenîye qedexeyê çalakîyan û aktîvîteyano ke 8 mengîyo esto protesto bikerê. Polîsan hêrişê kome kerd.
Polîsan hêrişê kombîyayîşê çapemenîye kerd. Çalakwanan pê sloganan cewabê polîsan da û Kuçeyê Sanatî ra ver bi verê Merkezê Karî yê Şaredarîye rayra şîyî. Tîya de eşkerayîye amey dayene. Bi nameyê çalakwanan Hidir Yildizî beyanat de.
Eşkerayîye de xoverdayîşê Unîversîteya Bogaziçi ame selamkerdene û eleqa ancîya zextê serê bajaranê Kurdîstanî ser. Dîya vîrardene ke dewleta tirke goreyê pêkerdişanê huqûqê mîyanneteweyî tênêgêrena û ame vatanê, ke binê nameyê tedbîran de OHAL yeno îlankerdene.
Reyna ame vîrardene ke îqtîdarî rê heme çalakî û aktîvîteyî serbest ê la seba ke verê muxalefetî bigêrê çalakîyî û aktîvîteyî ê bînan rê qedexeyê. Eşkerayîye de ame vetane ke ê do sey hêzanê kede û demokrasîyî vera na bêhuqûqîye û neheqîye bêveng memanê.