Dêrsim de Dogukan Gulo ke şewa bîne bi hîrê embazanê xo ame destbendkerdene nezarat de raştê îşkenceyê polîsan ame. Gulî ewro raporê derbe girewt û gerreyê polîsan kerd.
Polîsan şewa bîne taxa Ataturkî ya Dêrsimî de ciwanê bi nameyê Dogukan Gul pîya bi hîrê embazanê ci destbend kerd û berd Mudirîya Asayîşî yê Dêrsimî. Gul nezaret de raştê şîdetê polîsan ame.
Gulî derheqê qewimîyayîşan de nê vatî: ''Bîn şewe saetanê ereyî de ma serê rayîrî de rayra şîyênî. Vengê tifingan ame, ma tersayî û lazabez şîyî rayra şîyî. Polîsan ma tepişti bi zorî berdê qereqol. Hela ke ma resayî qereqol polîsan cade hêrişê mi kerd. Çend deqeyî wina ez kişta. Dima ra ez berda yewna çime û uca de zî ez kişta. Heta serê sibayî mi uca tepişt. Badê şîdetî ez xora şîya. Bado ke safî bi ke eleqeya mi bi serebutî çîna ez vera daya û mi ra waşt ke ez gerreyê înan mekerî.''
Gulî ard ziwan ke ê Nêweşxaneyê Dewlete yê Dêrsimî ra raporê derbe girewt û Serdozgerîya Komare ya Dêrsimî gerreyê polîsan kerd. Hetê bînî ra babîyê Gulî Huseyîn Gulî vat ê semedê gerreyî polîsan ra dîmenê mobeseyan û kamerayan ê rayîrî waştî la înan vato kamareyî xeripyaye yê.