Qezaya Xozatî ya Dêrsimî de camêrdê bi nameyê Oktay G.yî cinîye E.a. 7 aşmî bi zorî tepişte û cinîye rê şîdet û tecawuz kerd.
Dewa Kîlîse ya qezaya Xozatî ya Dêrsimî de cinîya bi nameyê E. A. (22) hetê camêrd Oktay G. (27)yo ke pîya ciwîyayêne ra 7 aşmî raştê şîdet, gef û tecawuzî amey. Wexto ke cinîye xebere da babîyê xo serebût eşkera bi.
Gerreyê babîyê E.A. ra dima Oktay G. hetê cendirmeyan ra ame destbendkerdene.
La E.A. semedo ke tersayêne gerreyê xo apey girewt û Oktay G. bi qerarê 'dûrkerdişî' veradîya.
Platformê Cinîyan ê Dêrsimî E.A. 14ê gulane de zîyaret kerde. E.A. zîyaret de cinîyan rê wina qala serebûtî kerde: ''Înan Oktay verada. Ez şîya Nêweşxaneyê Dewlete yê Dêrsimî û mi raporê derbe girewt. Oktayî bi şewan ez oda de kilît kerdêne û pê zîncîran linga mi girêdêne. Ez tim raştê şîdet, tecawuz û gefan ameya. .''
E.A. vizêr reyna Xozat de gerreyê Oktay G. kerd û camêrd reyna ame destbendkerdene. Oktay G. fermandarîya cendirmeyan de tepişîyeno.
Platformê Cinîyan ê Dêrsimî da zanayene ke semedê E.A. paştdayîşo huqûqî û psîkolojîk do bêro dayene.